تحدي ال29 يوم / المقالة التعريفية.
مرحبااا
اني اسمي طه عمري 20 سنة مواليد 2001..طالب طب وبنفس الوقت مصمم كرافيك ونوعاً ما متخصص بمجال الـphoto manipulation او المعروف عدنا "دمج الصور"..بس بعدني ما مستغل الموضوع كـبزنس..مجرد اعتبره وسيلة افرغ بيهة ضغط الدراسة وهم بنفس الوقت طريقة اعبر بيهة عن خيالي..
وعندي غير التصميم هواي هوايات غير التصميم ابرزهة التصوير وحب تعلم ثقافات جديدة هم :)
المهم..عندي حلم ان يكون عندي فلم قصير خاص بيني..وحاليأ دا اشتغل عليه..تكدر تكول حلم خطة تحقيقة تكون شوية طويلة الامد..
الفلم بيه هواي مراحل..اولهة الفكرة بعدهة كتابة السيناريو
حالياً..تقريباً انتهيت من كتابة القصة بعد ما عدلت عليهة هواي واخذت نصائح من كتّاب عرب واجانب
بديت حالياً بكتابة السيناريو..الصراحة انصدمت من كمية المعلومات الموجودة بشكل مجاني على الانترنت ومن دون اي مقابل مادّي !! بنفس الوقت كنت جداً ممتن لكل الاشخاص الاخذوا من وقتهم علمود يفيدون الغير بمعلومة ولو بسيطة :)
تعلمت حالياً اساسياته..انواعه..اجزاءه..وهواية سوالف حلوة
قصة هذا الفلم راح تكون عن مشكلة كلش شائعة بالمجتمع..ببساطة هي طالب طب يكره تخصصه ويكره الساعة الدخل بيهة هاي الكلية..وكان حلمة ان يصير مخرج سينمائي..
للاسف هذا الموضوع جداً منتشر بمجتمعنا وماكو اي تسليط اعلامي عليه.. نهائياً...
ان شاء الله خلال هذا ال29 يوم راح اكون مكمل السيناريو بالكامل ومتجهز للخطوة الوراهة بتحقيق هذا الحلم 😃❤️
الله يوفقك فكرة رائعة🤲🏻👏🏻
ردحذفجدا متحمس اشوف المنتج النهائي ، بالموفقية اخي طه.
ردحذفاني أيضا رحت لكلية الي اني ما اريده بسبب ضغوطات المجتمع . ولكن شغفي بقى نفسها و اتمنى ما افقدها يوما ما 😊
حبيت كلش طه
ردحذف